منتدي نجم السودان
د.نجم الدين علي ياسين
يتمني لكم اقامه طيبه داخل صفحات المنتدي
ارجو التسجيل معنا حتي تتمكن من الاستمتاع بكل المزايا
منتدي نجم السودان


من اخطاء الاطباء

Go down

من اخطاء الاطباء

Post by kaka on Fri Aug 27, 2010 11:41 pm

السلام عليكم
الموضوع دا منقول من صحيفة الصحافة ومن عود الكاتب حيدر المكاشفي يورينا فيهو اهمال واستهتار الاطباء بروح الانسان

من أخطاء الاطباء

هذا واحد يرويه الزميل الصادق مصطفى...
الأستاذ حيدر المكاشفي
صاحب الشفافية المحترم
أكتب اليك وأنا على بعد خطوات من صحيفتكم الغراء حيث الأسرة والاهل والجيران يفترشون الارض ويلتحفون السماء انتظاراً لفرج المولى القدير بأن يرفع درة الاسرة التي ترقد طريحة الفراش بعد أن اختارت ان تضع مولودها الثاني في هذا المكان الاختياري الذي تتواجد به قبل حلول الليلة الثالثة من رمضان بقليل فقد قالت ان سر اختيارها للمستوصف هو موافقة الطبيب المشرف على مراحل «الحمل» على وضع «بنج» كامل وليس موضعي ورغماً عن ذلك تخلى الطبيب عن وعده وتعامل مع مريضته أو قل ضحيته ببنج موضعي بكل ما له من تأثيرات سالبة وهذا ايضاً ليس الموضوع فالموضوع سيدي يتلخص عندما أزف موعد العملية بعد أن تم التحضير لها ولكن الطبيب لم يصل فكانت المفاجأة دخول «ابنه» الطبيب نعم ابنه بحجة أن والده سيتأخر لاسباب «تخصه» حينها كان الامر اكثر من عادي فكثير من الحضور لا يعرف هذه المعلومة التي تأكدت عندما خرج الطبيب وسأل عن امكانية شراء دم عاجل لانه اخطأ باصابة أحد الشرايين بأذىً بالغ سيجعل الام تنزف رغم خروج المولود بصحة جيدة، ومنذ ذلك اليوم السابع من رمضان وحتى يومنا هذا ما زلنا في بحث دائم عن متبرعين بالدم للدرجة التي جعلتنا نعلن ذلك في مسجد الحي عند صلاة الجمعة الفائتة وكانت الحصيلة ممتازة. وهذه سانحة لشكر كل من لبى ذاك النداء وسارع لانقاذ ابنتنا التي ترقد حتى الآن دون تحسن حتى بعد التبرع الهائل بالدم من المعلمين والاصدقاء ناهيك عن الاهل وأفراد الاسرة.. لقد أخطر الطبيب يومها أن يعيد فتح البطن لشفط الدم النازف وقد كان، الا انها -اي البطن- انتفخت للمرة الثانية وها هنا أخطر الاب للتدخل وعاد يحمل «باقة» أي والله باقة دم في منظر اعاد للحضور مسيرة أليمة ودلل على أن في الامر مصيبة خاصة بعد طول ايام وجودها بغرفة العناية المكثفة.
والغريب أن الوالد الطبيب سمح لابنه الطبيب باجراء عملية أخرى وتكرر معها ذات المنظر الا أنه أفتى باستفادته من العملية الاولى وتدارك الامر سريعاً. نحن في هذا الشهر الكريم نتضرع للمولى عز وجل أن يرفع كل المرضى ويعفو عن كل المخطئين ولكنا نسعى لكشف المستهترين بارواح البشر ونرجو من الجهات المختصة مراجعة كافة قطاعاتهم خاصة الصحة فهي الوحيدة المتعلقة بغيرهم وللاسف بعد دفع مبالغ باهظة فاذا أضحت حتى مثل هذه العمليات التي اضحت اصغر من عمليات حب الشباب فما بال العمليات الجراحية الكبيرة، وفي هذا المجال لا بد لي ان أنحني إجلالاً للأطباء الذين طالبوا بمزيد من التدريب والصقل وتهيئة الجو لصالح المرضى وكان مصيرهم الضرب والتنكيل والتشريد.. ومن أسف ان هذه الايام تشهد قرار يحظر علاج مرضي الكلى بالخارج كذلك «المرض» جعلوا عليه رقباء مثل الحج والعمرة والعملة الصعبة.
أخي الاستاذ حيدر لا أدري أي عقلية هذه التي تقود حقلنا الصحي الذي أضحى حقيقة حقلاً للتجارب أو قل الاستثمار، فما معنى أن يستورد أحدهم عشرات الماكينات الخاصة بغسيل الكلى ليغلق مجال العلاج عليها، والشارع كله يعرف أن الاطباء شكوا من قلة التدريب كما ان العلاج له جانب نفسي وهو الاهم فكيف يتم الغاء هذا الجانب ولمصلحة من؟
ختاماً لك كامل تقديري
الصادق مصطفى الشيخ
avatar
kaka
مشرف منتدي المنوعات
مشرف منتدي المنوعات

عدد المساهمات : 99
نقاط : 152
السٌّمعَة : 15
تاريخ التسجيل : 2010-05-03

View user profile

Back to top Go down

Re: من اخطاء الاطباء

Post by mandible on Sat Aug 28, 2010 5:25 pm

والله انا شايف انو مفروض يكون عنوان المقال ده (( شكرا للناس الذين تبرعو بالدم ))
اولا : ما ضروري الطبيب المتابع يعمل العمليه وطبعا ده فهم بتاع عامه الناس
ثانيا : الطبيب العمل العمليه بس اللوم لانو ولد الدكتور ؟ شنو يعني مافي النهايه طبيب
ثالثا : دم في باقه ده مافي لانو بنك الدم ما فيهو تلاجات ديب فريزر
رابعا : كل عمليه عندها ظروفها الخاصه
خامسا : الدوله ما منعت الناس تتطلع من المطار علشان تتعالج بره
لو عندك امكانيه في اي لحظه تمشي تتعالج مافي زول سالك ولكن ماتجي تقول ماشي اعمل غسيل
كلي في الاردن وعاوز الدوله تساعدني وهي التي وفرت ماكينات الغسيل وبالمجان
في الختام برضو شكرا للناس الذين تبرعوا بالدم ونتمني عاجل الشفاء للمريضه وللنفوس المريضه
ودي طبعا مشكلتها اكبر
والله من وراء القصد
جني

_________________
[You must be registered and logged in to see this link.]
avatar
mandible
جني اصلي
جني اصلي

عدد المساهمات : 599
نقاط : 1799
السٌّمعَة : 9
تاريخ التسجيل : 2010-02-24

بطاقة الشخصية
gini: 4

View user profile http://mandible.kalamfikalam.com

Back to top Go down

Re: من اخطاء الاطباء

Post by صفاء on Sun Aug 29, 2010 3:22 am

صراحة ياجني البعرف يظبط معلوماتو ويرتب افكارو وعارف جاي يكتب في شنو يجي غير كدة اذا وقع في ايدك الله يعينو بس احييك والله بس انشاءالله المريضة ربنا يرفعها وتلقى دكتور يطلعها من المتاهة الهي فيها دي
avatar
صفاء
جني
جني

عدد المساهمات : 16
نقاط : 21
السٌّمعَة : 8
تاريخ التسجيل : 2010-06-25

View user profile

Back to top Go down

Re: من اخطاء الاطباء

Post by kaka on Sun Aug 29, 2010 7:37 pm

mandible wrote:
والله انا شايف انو مفروض يكون عنوان المقال ده (( شكرا للناس الذين تبرعو بالدم ))
اولا : ما ضروري الطبيب المتابع يعمل العمليه وطبعا ده فهم بتاع عامه الناس
ثانيا : الطبيب العمل العمليه بس اللوم لانو ولد الدكتور ؟ شنو يعني مافي النهايه طبيب
ثالثا : دم في باقه ده مافي لانو بنك الدم ما فيهو تلاجات ديب فريزر
رابعا : كل عمليه عندها ظروفها الخاصه
خامسا : الدوله ما منعت الناس تتطلع من المطار علشان تتعالج بره
لو عندك امكانيه في اي لحظه تمشي تتعالج مافي زول سالك ولكن ماتجي تقول ماشي اعمل غسيل
كلي في الاردن وعاوز الدوله تساعدني وهي التي وفرت ماكينات الغسيل وبالمجان
في الختام برضو شكرا للناس الذين تبرعوا بالدم ونتمني عاجل الشفاء للمريضه وللنفوس المريضه
ودي طبعا مشكلتها اكبر
والله من وراء القصد
جني
الموضوع الاساسي ليس هو تبرع الدم ولكن لكي تعلم يا دكتور الاسباب التي ادت لجمع الدم في الباقات كما قال كاتب المقال او سيد الوجعة. ألمشكلة هي لماذا ترك الطبيب ابنه يجري العملية ! الاطباء ذوي الخبرة مشو وين ؟ علي الاقل كان يكون معاهو طبيب عمل ليهو عملية ولادة حتي لو مرة واحدة , حرام عليكم هو اصلوا ماشي يولد ليهو غنماية .
سبحان الله
avatar
kaka
مشرف منتدي المنوعات
مشرف منتدي المنوعات

عدد المساهمات : 99
نقاط : 152
السٌّمعَة : 15
تاريخ التسجيل : 2010-05-03

View user profile

Back to top Go down

Re: من اخطاء الاطباء

Post by mandible on Sun Aug 29, 2010 9:05 pm

يعني انت مفتكر انو الطبيب دا ما عمل عمليه قبل كده؟
عموما انا ما بعرفو ولكن كعاده البشر لازم الناس تبخس اي حاجه
ووجدها اهل الاعلام سبه ومشغله ..............
يقول ليك بالعنوان الكبير خطا طبي فادح ... مريض يذهب الي طبيب يشكو من حكه شديده في الجسم فيحوله الطبيب مباشره
الي غسيل الكلي ثم يتوفي يعد ذلك

واقول ليك يا كاكا لا انت لاغيرك ما حا يعرف الحاصل شنو الا يكون طبيب وتاكد من حاجه واحده
لما يقولو ليك طبيب يعني طبيب ما معناها واحد وبستهتر بارواح واموال الناس
وبقول ليك كل عمليه وليها ظروفها وكل مريض وليهو علاج مختلف الا ذوي النفوس الضعيفه
الذين يشدون انتباه الناس اليهم بمثل هذا البيع الرخيص

_________________
[You must be registered and logged in to see this link.]
avatar
mandible
جني اصلي
جني اصلي

عدد المساهمات : 599
نقاط : 1799
السٌّمعَة : 9
تاريخ التسجيل : 2010-02-24

بطاقة الشخصية
gini: 4

View user profile http://mandible.kalamfikalam.com

Back to top Go down

Re: من اخطاء الاطباء

Post by ahmed on Mon Aug 30, 2010 9:28 pm

يا ماند خليك واقى ووضح لنا نسبة الأ خطاء البشرية الطبية التى أود بحياة أنسان كم في السودان ؟ وماهى النسبة المسموح بها عالميا؟

أأأأأأأأأأأأأأأأأأأأأأأه لو كنت طبيب لألفته مجلدات عن الاخطاء الطبية البشرية

ahmed
جني نشط
جني نشط

عدد المساهمات : 45
نقاط : 56
السٌّمعَة : 0
تاريخ التسجيل : 2010-05-03

View user profile

Back to top Go down

Re: من اخطاء الاطباء

Post by kaka on Tue Aug 31, 2010 10:57 pm

ahmed wrote:يا ماند خليك واقى ووضح لنا نسبة الأ خطاء البشرية الطبية التى أود بحياة أنسان كم في السودان ؟ وماهى النسبة المسموح بها عالميا؟

أأأأأأأأأأأأأأأأأأأأأأأه لو كنت طبيب لألفته مجلدات عن الاخطاء الطبية البشرية
يا اخوانا ماند دا مشي وين راجنو يجاوب , ولا نفهما من تغير الصورة ومعاها النضارة , الجماعة بيقولوا لو إنته زول كبكابة ! البس ليك نضارة سودة بس ما قالوا لو غلبك ترد البس نضارة
avatar
kaka
مشرف منتدي المنوعات
مشرف منتدي المنوعات

عدد المساهمات : 99
نقاط : 152
السٌّمعَة : 15
تاريخ التسجيل : 2010-05-03

View user profile

Back to top Go down

Re: من اخطاء الاطباء

Post by mandible on Tue Aug 31, 2010 11:22 pm

بس مافي داعي
لكن نقول شنو ؟ الناس لقتها موضوع و كمان بقي فيها شكاوي
ما قلنا غلط وده حق المواطن
لكن الليله لو رجعت الي اغلب الشكاوي المقدمه الي المجلس الطبي ستجد بعد التحقيق
ان 95 % منها ليس بها خطا او اهمال
لكن برضو نقول شنو ؟
يعني تلقي واحد يقول والله انا وديت زوجتي وهي بتولد والدكتور رفض يعالجها وقال لي وديها الحوداث
علشان تولد هناك (( وده لانها ما عندها حجز مع المستشفي المعني )) ويقول ليك بكل اسف ولدت في الطريق
انا بقول هو يحمد الله انها ما دخلت لانو اصلا هو ما حاجز وده ما معناهو اي مريضه ما حاجزه معناها ما تتعالج .... لا ما كده
لكن في حاجه اسمها الحوادث وباقل تكلفه
ولو عندك امكانيه .... خليها تولد وبعدين استعد للدفع وبلاش فصاحه
انا عارف حا ينط لي عشرين واحد ويقولو لي ليييييه الا بالدفع ؟
والاجابه خليكم واعيين انو ما انا كطبيب البحدد انت تدفع كم
طيب البحدد منو ؟
بكل بساطه لو ما عاوز تدفع ..... برضو في مكان بعالجك ...... بس خلي في بالك ما تمشي اي مستشفي مدفوع عليهو
وتقول ابو يعالجوني .... ممكن تتعالج لكن بكلفك .... وبرضو ما انا كطبيب البكون عارف التكلفه كم وبقول ليك امشي الحوادث وقلبي عليك
وعلي جيبك وتجي تقول الطبيب ابي يعالجني
وده كلو ما مشكله
لكن النفوس الضعيفه علاجها صعب
وما اكثرها

_________________
[You must be registered and logged in to see this link.]
avatar
mandible
جني اصلي
جني اصلي

عدد المساهمات : 599
نقاط : 1799
السٌّمعَة : 9
تاريخ التسجيل : 2010-02-24

بطاقة الشخصية
gini: 4

View user profile http://mandible.kalamfikalam.com

Back to top Go down

Back to top


 
Permissions in this forum:
You cannot reply to topics in this forum