منتدي نجم السودان
د.نجم الدين علي ياسين
يتمني لكم اقامه طيبه داخل صفحات المنتدي
ارجو التسجيل معنا حتي تتمكن من الاستمتاع بكل المزايا
منتدي نجم السودان


هزه ارضيه

Go down

هزه ارضيه

Post by البرق الخاطف on Sun Jul 11, 2010 5:19 am

Razz حقيقه الشعب السوداني اثبت انو شعب يحب الشمارات ويحب التفرج والكلام والغريب انو مابفرقو بين الجد والهزل والسبب يبدو انو ماعندهم موضوع فتخيل يااخي الكريم .... ماتقول لي كرن كرن ههه داء كود ماتزعلو ... نرجع للموضوع كدي تخيل معاي انو في حادث في شارع الزلط بتاع هايس شاب متهور ماشي ودائر يحصل الكريز القدامو ويتخطاها لانو السائقه المعلم بتاعو القديم مااصلو هو كان كمساري قبل فترة واتشاكل مع السواق داء والمهم بجاي جاي طلع ليهو رخصة قيادة من مدني ... وهو ماشي وبدون مايرمي اشارة ختاهة لي الكريز والمريات بقت لحام وبس فجاءه بتاع ركشه متهور قدامو قال يشيل الركشة ويسرق الشارع وكو كو دقشو ليك وقلب الركشه وضرب الكريز بالجنبة بتاع الركشة وقع في الزلط وضرب راسو في الواضه وتعال شوف الموضوع البالجد المواطنين اتلمو ليك في الركشة والهايز والكريز وواحد شفتو شفتو قله الادب والسواقه المايها دي البتقتل في الناس ... واحد تاني ياجماعة خلو التنظير وخلونا نشوف الحاصل شنو .... تقول بشوف في مسلسل واحد الزول داء بنزف وقفو ليكم بوكس نودي الحوادث سريع ... واحد دي مسولية ساي خلي النتصل بناس المرور يجو يشوفو الحاصل شنو ... واحد يرد ننتظر يمن يموت الزول يعني ولاشنو والجماعة يتشاكلو ويخلو الحادث زاتو ونساوين يبكن وسجمي داء ود صغير ياحليل امو ... ارفع ارفع يازول اسند من الجنبة يااب جلابية لع لع الكراع دي مكسور ياخ ... وقصه .... وطبعا اي واحد الليلة لقه لي موضوع يتونس بيهو في الحلة مش ياكرن كرن ....
- داء كلو مدخل ومقدمة اصلي شغال ليل وماعندي موضوع ... استحملوني ساي ...
بخصوص العنوان اعلاه الهزه الارضيه ... طبعا انتو عارفين انو كان في هزه قبال يومين والسودانين مبسوطين بسطه والله تقول ماكلين باسطه مش ياجني ... ههه
هزه ارضيه لو ذادت درجتين تلاته كان ممكن تسبب كارثه في السودان الماشي بالجلاله والدعوات الصالحات ... والسودانين مبسوطين واي واحد يقول ليك انا انا حسيت بالهزه والله يازول البرنده اهزت وواحد يقول ليك والله انا كنت راقد والتلاجة جنب السرير انا قايل التلاجة وقفت ودي هزت المكنة وواحد ومن البعد وباتصال هاتفي يرفع تقرير الهزة الارضية من منزلهم ودوالاب اتفتحت وتلاجات اتحركت وكمان في زيت ادفق في الهزة الارضية دي رايكم شنو ... والناس مبسوطه انا ماقلته ليكم مافي موضوع ... في مبادي كارثه لو لا ربنا ستر والناس مبسوطه والله كلام
اجمل حاجة وحاجة اخيرة عشان ماتزهجو من القراءية
في وحدة متخصصة في الجلوجيا سالوها قالو ليها نصائح تقدميها للمواطنين ... قالت يعملو حسابن ... المزيع ماعرف يضحك واردف سال تاني عشان يتفادي الموقف قام طبزه قال ليها كيف ... قالت لي مايمشو تحت ظل العمارات ومايبنو عالي وما يسكنو في الشقق ... هههه والله الواحد وقت يعرس يقضي شهر العسل وين ... ياكرن كرن
بالبلدي والدارجي عشان اي مواطن كحيان زي كدة يعرف الحاصل
ولكم الف تح
ية

البرق الخاطف
جني نشط
جني نشط

عدد المساهمات : 66
نقاط : 119
السٌّمعَة : 9
تاريخ التسجيل : 2010-03-10

بطاقة الشخصية
gini: 4

View user profile

Back to top Go down

Re: هزه ارضيه

Post by mandible on Sun Jul 11, 2010 5:45 am

مرحبا بعوده المارد البرق الخاطف
والله موضوع جميل للغايه
والي الامام


[You must be registered and logged in to see this image.]

_________________
[You must be registered and logged in to see this link.]
avatar
mandible
جني اصلي
جني اصلي

عدد المساهمات : 599
نقاط : 1799
السٌّمعَة : 9
تاريخ التسجيل : 2010-02-24

بطاقة الشخصية
gini: 4

View user profile http://mandible.kalamfikalam.com

Back to top Go down

Re: هزه ارضيه

Post by kaka on Sun Jul 11, 2010 6:47 pm

mandible wrote:مرحبا بعوده المارد البرق الخاطف
والله موضوع جميل للغايه
والي الامام


[You must be registered and logged in to see this image.]

يا ماند خلي الشمارات وكسير الثلج . والبرق الخاطف تلقاهو اول واحد جاب شمار الهزة , ولا شنو يا خاطف!
avatar
kaka
مشرف منتدي المنوعات
مشرف منتدي المنوعات

عدد المساهمات : 99
نقاط : 152
السٌّمعَة : 15
تاريخ التسجيل : 2010-05-03

View user profile

Back to top Go down

Re: هزه ارضيه

Post by صفاء on Sun Jul 11, 2010 11:04 pm

انا غايتو سمعت الشمار بنفس الطريقة دي دواليب اتفتحت وزيت كان حا يتدفق تتعدد المصادر والخبر واحد
avatar
صفاء
جني
جني

عدد المساهمات : 16
نقاط : 21
السٌّمعَة : 8
تاريخ التسجيل : 2010-06-25

View user profile

Back to top Go down

Re: هزه ارضيه

Post by mandible on Mon Jul 12, 2010 5:54 am

صفاء wrote:انا غايتو سمعت الشمار بنفس الطريقة دي دواليب اتفتحت وزيت كان حا يتدفق تتعدد المصادر والخبر واحد

ياصفاء طبعا ده اخونا كرن كرن
ودي حكايه انا حكيتها ليهو نقلا عن جني
قلت امتعو وكده
لزوم شمار الهزه وكده
اقوم اتفاجا بانو عاملها قصه زي دي
ما مشكله خليني بتسده فيهو قرييييب

_________________
[You must be registered and logged in to see this link.]
avatar
mandible
جني اصلي
جني اصلي

عدد المساهمات : 599
نقاط : 1799
السٌّمعَة : 9
تاريخ التسجيل : 2010-02-24

بطاقة الشخصية
gini: 4

View user profile http://mandible.kalamfikalam.com

Back to top Go down

Re: هزه ارضيه

Post by mandible on Mon Jul 12, 2010 5:59 am

kaka wrote:
mandible wrote:مرحبا بعوده المارد البرق الخاطف
والله موضوع جميل للغايه
والي الامام


[You must be registered and logged in to see this image.]

يا ماند خلي الشمارات وكسير الثلج . والبرق الخاطف تلقاهو اول واحد جاب شمار الهزة , ولا شنو يا خاطف!

والله يا كاكا كلامك في محلو
لكن انت من زمن كسير التلج ........ ياخ الناس بقت تحضنو عدييل كده
بعدين الراجل اخونا وقصتو حلوه انت اطلع منها
ارقد

_________________
[You must be registered and logged in to see this link.]
avatar
mandible
جني اصلي
جني اصلي

عدد المساهمات : 599
نقاط : 1799
السٌّمعَة : 9
تاريخ التسجيل : 2010-02-24

بطاقة الشخصية
gini: 4

View user profile http://mandible.kalamfikalam.com

Back to top Go down

Re: هزه ارضيه

Post by ahmed on Mon Jul 12, 2010 1:33 pm

mandible wrote:مرحبا بعوده المارد البرق الخاطف
والله موضوع جميل للغايه
والي الامام


[You must be registered and logged in to see this image.]
أنت يا ماند البرق الخاطف دى ماسودانى شنو السودانين بيحب الشمارات زويلك من اللوتراب أو ضرباة صدمة حضارية (الظاهر علية بداء التكلجة قريب)
وهو ما عارف أن الشمارات علم يدرس فى الجمعات العالمية ويبث عبر القنوات الفضائية
وماسمع بالعملتة الشمارات بسوق المواسير بالفاشر
وماعارف صحيفة الدار ربحت كم من شمارات الكلاب الضالة
وما عارف فى قنوات فضائية تكسب مليارات الدولارات من الشمارات
وسع أفقك يابني ولاتكن سطحيا
ما أصلو الفهم أقسام

ahmed
جني نشط
جني نشط

عدد المساهمات : 45
نقاط : 56
السٌّمعَة : 0
تاريخ التسجيل : 2010-05-03

View user profile

Back to top Go down

Re: هزه ارضيه

Post by البرق الخاطف on Tue Jul 13, 2010 8:14 am

Basketball في نوعيه من الناس ربنا بحبها ... لا تعتبر مسالة تقصى الحقائق البعيدة والإطلاع على أسرار الناس الخفية أمراً هاماً وحيوياً ، ربما يعزى ذلك لرغبة فى عدم التدخل فى شئون الآخرين الخاصة… ربما مظنة أن هذا الأمر غير مفيد ولا يعود باى نفع… ربما هو نوع من الأدب والسلوكيات نابع من ثقافاتهم… ومن باب الدين ياموالنه جني ... ربما وربما وهناك فى المقابل شعوب وأمم وملل ونحل – ونحن منها – تهتم اهتماما بالغاً (بالشمار) ومفرداته وإعرابه وتفرد له حيزاً فى ترتيب أولوياتها ! هذا التقصي العقيم فيه تشتيت للجهد وإهدار للوقت فى محاولة معرفة أخبار (العباد والبلاد) … يبدؤن بالتحري الدقيق فى مظنة ما ، وكأجهزة المخابرات تجى مرحلة فحص وتمحيص المعلومات الواردة ( الشمار فى شكل – ( شمار خام) مرحلة قد تتم فى شكل مجموعات أو أفراد ويخضع الأمر لمختلف أوجه التحاليل الممكنة والمختلفة مع الأخذ بكافة الاحتمالات وربما التشاور مع المتخصصين (الثقاة) أمر يسمى فى بعض المذاهب (بشهادة خبير) تحت بند لا خاب من استشار… وقد يكون الشمار المتحرى عنه عديم المخبر غث رث ، ومع ذلك (الشمرجية) المدمنين يجعلون له (توماً وشماراً) ويرسمون له أبعاداً وفرضيات وحيثيات وانعكاسات على واقع متوهم وإفتراضى بل جنوني أحياناً!
والله ياجني الليلة احيرك اخليك تقول كرن كرن داء نظم الموضوع داء كدة كيف ....
وهنا ياجني نحاول أن نفكك أوصال (الشمار) بصورة (نحسبها) علمية لمعرفة أوجهه وحالاته .. للشمار عوامل داخلية منها الفراغ والحسد وعدم الموضوع والأخير من أخطر العوامل ذلك أنه يجعل (الشمرجية) يتعاطون بسهولة أموراً محرمة قانوناً وشرعاً وأخلاقاً والعياذ بالله ، ويتموضعون فى متاهات ومعمعات قد تقود الى جهنم مباشرة!! والعوامل الخارجية مثل مقدار كمية الجذب والإثارة المتوقعة من أمر ما..وطبيعة مواقع الأحداث ونوعية الأشخاص المتورطين فى حادث ما…

والشمار مثله مثل أمور الدنيا الأخرى يبرز فيه أناس موهوبون وأصحاب عقليات جبارة وخيال واسع جداً ولو إستغلوا هذه المواهب المدفونة الكامنة فى أعمال أدبية مثلاً لأبدعوا أو (بدعوا) ومن الملاحظ إن نسبة النساء الى الرجال من حيث تعاطي الشمار تكون بنسبة 1/9 .. وشمارات النساء تكون أجود من حيث السوء!
وتقول ياجني داء علم نتعلمو ( انا لله وانا اليه راجعون ......)

وتبقى أشياء أخرى لابد من مراعاتها والأخذ بها عند التطرق لموضوع الشمار وهنا نذكرها فى إجمالها ودون تفصيلات مثل نوعية الشمار فهناك الشمار التقيل والخفيف ..الخ على شاكلة نوعيات البترول…العربي الخفيف وبرنت وبحر الشمال رايك شنو في الجدعه دي ياجني ….والكمية وهناك الشمار المحلى والمركزي والعالمي.....!!..وهناك شمار يسمى (الشمار المهوج) بمعنى أنه زيد شوية موية فقلت درجة فعاليته .
كمان ياجني ماتقول لي هموج دي ماعرفتها .....

والشمار يمارس جماعياً فى بعض مناطق الاستهلاك المرموقة فى أماكن مغلقة ويسمى (ديوان الشمار) شاكلة دواوين محترمة جداً موجودة فى البلد.
وانا متاكد ومعنو ماشربت معاكم الشاي ياجني لكن اكيد في ديوان الطيارين تمت مناقشة شمار طازج من صلاه الظهر ...
أمال إيه ونحن أصلوا شغالين شنو؟ ترزية قايلنا.......قال علم قال ..........
داء تعقيب بخصوص الشمار وبختصار شديد وبنظره سطحيه و دون توسيع افق لانو هو مافي افق ذاتو وكمان وقتي البكتب كانت بتنتابني رعشه بتاعت صدمه حضارية وباقي النقاط بنرد عليها واحد واحد وصبرك علي ياجني ...



- - لا حول ولاقوه إلا بالله - ..............

البرق الخاطف
جني نشط
جني نشط

عدد المساهمات : 66
نقاط : 119
السٌّمعَة : 9
تاريخ التسجيل : 2010-03-10

بطاقة الشخصية
gini: 4

View user profile

Back to top Go down

Re: هزه ارضيه

Post by ahmed on Tue Jul 13, 2010 3:05 pm

وانا متاكد ومعنو ماشربت معاكم الشاي ياجني لكن اكيد في ديوان الطيارين تمت مناقشة شمار طازج من صلاه الظهر ...
أمال إيه ونحن أصلوا شغالين شنو؟ ترزية قايلنا
.......قال علم قال ..........
داء تعقيب بخصوص الشمار وبختصار شديد وبنظره سطحيه و دون توسيع افق لانو هو مافي افق ذاتو وكمان وقتي البكتب كانت بتنتابني رعشه بتاعت صدمه حضارية وباقي النقاط بنرد عليها واحد واحد وصبرك علي ياجني ...

ياالبرق الخاطف يجب عليك أن تركز في كتباتك فأنت تسخر من أن الشمار ليس علم وفي نفس الوقت الوقت تثبت أنة علم بذكرك لجهاز المخبرات
وكفية تعاملة مع الشمار (المعلومة) وكذلك تسخر من الشمارجيه وفي نفس الوقت تثبت أنك أكبر شمرجي بذكرك أمال إيه ونحن أصلوا شغالين شنو؟
أما أذا كان ليس لديك أفق فليس بميتا جرح يلام وأن كنت لا تستحى من عاقبة اليلي فأصنع ماتشاء

ahmed
جني نشط
جني نشط

عدد المساهمات : 45
نقاط : 56
السٌّمعَة : 0
تاريخ التسجيل : 2010-05-03

View user profile

Back to top Go down

Re: هزه ارضيه

Post by mandible on Tue Jul 13, 2010 4:01 pm

ahmed wrote:وانا متاكد ومعنو ماشربت معاكم الشاي ياجني لكن اكيد في ديوان الطيارين تمت مناقشة شمار طازج من صلاه الظهر ...
أمال إيه ونحن أصلوا شغالين شنو؟ ترزية قايلنا
.......قال علم قال ..........
داء تعقيب بخصوص الشمار وبختصار شديد وبنظره سطحيه و دون توسيع افق لانو هو مافي افق ذاتو وكمان وقتي البكتب كانت بتنتابني رعشه بتاعت صدمه حضارية وباقي النقاط بنرد عليها واحد واحد وصبرك علي ياجني ...

ياالبرق الخاطف يجب عليك أن تركز في كتباتك فأنت تسخر من أن الشمار ليس علم وفي نفس الوقت الوقت تثبت أنة علم بذكرك لجهاز المخبرات
وكفية تعاملة مع الشمار (المعلومة) وكذلك تسخر من الشمارجيه وفي نفس الوقت تثبت أنك أكبر شمرجي بذكرك أمال إيه ونحن أصلوا شغالين شنو؟
أما أذا كان ليس لديك أفق فليس بميتا جرح يلام وأن كنت لا تستحى من عاقبة اليلي فأصنع ماتشاء

ناس الشمار لمو مايلمو كان لمو
يا اخواني عاذراه جابها خاله قدر امو
هوي حنانه
والصفقه ما عاجبانا
____________________________
والله يا كرن كرن ماعرفناك شغال شنو
لكن زي ما قال ليك حاج احمد ( يامرنوعه)
ودي شايفك ماذكرتها في مقالك شكله ال..........
احسن ليك تخلي الشمار وتشوف ليك طار
________________________________
قال شغالين شنو ؟
ياخي اقول ليك حاجه اخيره
ارقد

_________________
[You must be registered and logged in to see this link.]
avatar
mandible
جني اصلي
جني اصلي

عدد المساهمات : 599
نقاط : 1799
السٌّمعَة : 9
تاريخ التسجيل : 2010-02-24

بطاقة الشخصية
gini: 4

View user profile http://mandible.kalamfikalam.com

Back to top Go down

Back to top


 
Permissions in this forum:
You cannot reply to topics in this forum